El Regatu

Aldovinanza

2012-02-14T12:27:00.001+01:00

Si nun lo aldovinaste, pica equi:http://i44.tinypic.com/e8v1fn.jpg

Arrecender

2012-02-06T16:33:00.001+01:00

Semeya

2012-01-28T16:31:00.001+01:00

Semeya

2012-01-28T16:30:00.002+01:00

Semeyes

2012-01-28T00:15:00.001+01:00

Semeyes

2012-01-28T00:12:00.004+01:00

Semeyes

2012-01-28T00:09:00.001+01:00

Semeyes

2012-01-28T00:05:00.002+01:00

Semeyes

2012-01-20T21:09:00.002+01:00

Les ruines

2011-10-20T11:39:00.000+02:00

Si güei-na mio memoria - baxo la cuesta

suavemente pindia de mio casa,

y ye branu y esbrexa la xente na llosa

reidor y feliz

-como nel poema d'Horacio,esactamente -

y coles manes grandes y les duces palabres

na boca, inda non derroyíes

pola erosión de los años que pasen,

que pasarón, si baxo la cuesta, digo,

inda podré veme d'a caballo

con mio güelu,tengo ocho años,

camín del ríu

sentir la voz cotidiana y amiga,

cercana siempre,

mira,elli matarón a unos homes

que yeran de la república,

ya aquellos montes son los del Rebol.l.u

onde foza'l xabali ya ta enterrada

la cabra dorada de los mouros.

Pero güei namás voi sentir otra vuelta

esti vértigu, esti pulsu inesactu

que golpea levemente les vidayes,que fura

pelo escuros del nuesu adientro.

Y miro pela ventana y nun hai nada,nada

qu'a la vista invite o la memoria torne,

palabres gastaes repitiendose,

les ruines d'una edá

que perdiemos por descuidu.

Ciega la lluz iluminando

l'interior d'una casa abandonada.

Atiendi Asturies, atiendi

2011-10-12T12:34:00.001+02:00

Despierta Asturies, despierta,

despierta a la realidá

si siguis apigaciando

per siempre taras frayá

Vaqueira

2011-10-07T13:03:00.000+02:00

VAQUEIRA

El día que yo la espurra
que me tirenb a la mar,
que nun quiero que´l patrón
pueda mio tumba pisar.
El señor cura predica
castidá y probeza,
gusta-y muncho´l correla
y xinta qu´arrebienta.
Dicen que morrió el raposu,
asina morrieren venti,
cuantos más raposos muerran,
más pites come la xente.
Nun tendremos tanta suerte,
que se torne la tortiella,
que los probes coman pan
y los ricos coman mierda.

Ñeda

2011-07-14T00:15:00.003+02:00

encainada o borrina en Ñeda

Cuentu Colloráu

2011-01-27T16:48:00.005+01:00

Prestosu cuentu picardiosu que llei l'otru dia.

Esto yera un cura que queria quita-y el "picalin" a una muyer y garró una rapaza a la que crio, y cuando-y paecio que taba pa corchala, llevola pa la sacristia, y dixo'l cura: << ven vamos a sacar ánimas del purgatoriu>> y diz la rapaza :<< non, nun se preocupe poles ánimes, qu'ente'l sacristan y yo ya sacamos bastantes

2010-11-20T10:50:00.000+01:00

Con priesa llegó la muerte,

la muerte llegó callada.

llegó pisando'l silenciu,

de l'alborada.

Meta'l camín t'agalmó

...na doliosa madrugada

y col gadañu cegó

la vida que te quedaba.

Quixisti abonar la tierra,

quixisti ser tueru, caña

onde la fueya surdiera,

onde'l xilgueru canciara,

onde la pación vistiere

de verde y mofu to cama.

Y aqueyes manes que foron

caricia, pasión,compaña,

ellí te fixerón ñeru

frente la vara del agua,

pa qu'el ruxir de la fola

que nel cantil s'estrellara

diera música a to oyíu,

y a to boca la humedanza

que camudó en fumu'l fuéu

que foi cabera,mortaya.

Sola ta la soledá,

sola,ensin zume nel alma,qu'un dia que tuvo priesa

llego la muerte callada

y d'un tayu friu y fieru,

fundió lo que más amaba.

Sabel de Fausta

Nun hai meyor llar que'l d'un mesmo

2010-06-14T21:18:00.001+02:00

OTRES TIERRES, HAI OTRES TIERRES

MUNCHES RIBERES MUEYA LA MAR.

VIAXARÁS LLOÑE, TRIYARAS MUNDIU,

PERU AL FIN HABRÁS ALCORDAR

QU'EN TOLES TIERRES YES EXTRAXERU

MENOS NA D'ESTI LLAU DE LA MAR

Pa la mio Guela

2010-06-02T20:32:00.010+02:00

Enxamás ye pa siempre

Después que surdan les fontes na mar,

que too s’esmigaye en sal,

que yo escaeza dafechu la to voz,

dimi que vo facer yo.

Despues qu’l mio cuerpu lu xinte el guxán,

que tierra seya’l to llar,

cuando atapeza pa nun alborciar,

dimi con quién vo falar,

depués qu’l ferre nun veas esnalar

y que nun cancie’l raitán,

que coles pa siempre na nueche final,

pa quién naguaré por canciar.

Después que los mios llabios nun llanxen más

ya escosos de tantu llanxir,

cuando seyamos povisa ná más,

después, después que más da.

Carbayu

2010-01-26T17:34:00.005+01:00

Alendando arume

de tierra moyada,

árbol tótemicu

d'atormentada caña,

nel tiempu permaneces,

mudu susurriu

d'una pallabra.

Fierve'l cielu

de ñubes

y l'orbayu tapez,

sele

como esi nome

que nomes en silenciu.

Esguilando la peña,

les clines del vientu

preñen viesques

y roquedes

col ecu d'unes lletres

mermuraes

nel envés d'una fueya

que fiende l'aire

nel tremor

de la mañana.

Y yo,

acostinaos los llabios

sol verdin

del vieyu troncu,

repito la dolzura

d'aquel nome:

A...S...T...U...R...I...E...S...

Y na solombra piesllo los güeyos.

Sabel de Fausta.

Per que'l Nalón lleva luto

2010-01-17T00:07:00.005+01:00

non ye polos llavaeros

de carbón, como se fala,

nin ye poles escombreres

que en so caleyar arrastra.

Tra-y luto polos mineros,

polos homes d'esa brava

raza (triba,castra)

qu'afuruca montes

y que muerre na batalla

entre carbón y costeros

de la tierra qu'afuruca.

Por eso'l Nalón tra-y luto

desque dexó LLaviana.

Por eso'l Nalón tá murniu

y dende entós ya non canta.

Alluma'l to camin

2009-10-26T22:22:00.014+01:00

Alluma'l to camin

Haber si ente toos, somos quien a facela Himnu ...

Alluma'l to camin

Asturies, alluma'l to camin

Allumalu ensin mieu

Porque vas a resistir

Somos homes y muyeres

Dellos lluchen por vivir

Homes qu'inda tán na llucha

Na que quieren combatir

Muyeres que sofiten l'alma

L'abellugu d'un pais

Nenos que s'entruguen

Onde ta'l futuru por venir

Alluma'l to camin

Asturies, alluma'l to camin

Somos homes y muyeres

Dellos lluchen por vivir

Aferraos nuna tierra

LLarimes de muga

Ta cansada la tierra

nun s'oye dicir un ris

Pero ta llegando'l tiempu

De facer el to pais...

Toli Morilla

Sidra

2009-10-11T23:07:00.004+02:00

Sidrina, botella verde,

llocura de la manzana,

sol que mos quita la sede

y l'oru, a la magaya

al que nu-y preste bebete,

nun ye de nuesa quintana,

nin sabe por qué te quieren

dafechu perespalmada

Sidrina, botella verde,

cuando yes bien escanciada

chisques, y en forma güeles

a romería que suaña.

de Xixón el cuerpu tienes,

de Villaviciosa l'alma,

del corazón de la xente,

la fuercia de la tonada.

Sidrina, botella verde,

la de meyor tastu, en Nava,

cuando más bona s'alcuentre,

yese meyor a mexala.

sidrina soledá verde,

amor de la pumarada,

(mio vida por un culete

que compañia me faiga)

Manuel Asur

ODA AL ASTURCON

2009-07-17T16:39:00.012+02:00

Como tú quisiera ser, alma ecuestre,

xabaz como un coz de sangre pura,

ariscu a la espuela y a la montura,

tal como te pintó el pintor rupestre.

Cola blanca estrella de to frente

fixisti más fondera la fondura,

ensin pone-y al galope ferraúra

pa que xorreza la erba y la simiente.

Col borrín más llargu de la hestoria

sobrevives pelos montes del Sueve,

defendisti Asturies escontra Roma

y Plinio y Estrabón de ti escribieren.

Amor d'Asturcón enxamás se doma,

bona falta nos fai per estes tierres.

Manuel Asur

Cantarinos

2009-06-11T18:04:00.006+02:00

Cuanto más perllenta va,

más se pue distinguir,

del agua que va a la mar,

esa que vien del orpin.

Una queda na rosada,

la otra nel agua con sal,

dura aquella una mañana,

esta tola eternidá,

La que pinga na rosada,

cola so lluz tempraniega,

aborrez siempre del agua

que, pol mar, dexa la herba

Manuel Asur

Les Madreñes

2009-06-10T14:58:00.005+02:00

Les madreñes son los pasos
de los antiguos caminos,
lleven folla de los años
en que tantos nos perdimos

Son raíces andariegues,
escaleyen toles lloses
y chisquen les entreteles
que de nós nunca se posen

Les madreñes nun son zuecos
como en Castiella les llamen,
aborrecen de lo seco,
ensin orbayu esguañen.

Asi,la llegre esforgaxa,
de les madreñes,borrina
que pela tierra asturiana
va del cumal a la mina.

Andres Solar

Pola Xuntanza

2009-05-22T15:09:00.007+02:00

Talanto que tolos partidos nacionalegos tienen que tar xunios

pa lluchar xuntos escontra PSOE Y PP.

El regatu quier collaborar con..http://polaxuntanza.webcindario.com/

Oficialidá 2009

2009-04-09T21:35:00.005+02:00

Sabadu 25 d’Abril 19.00 campus d’humanidades en Uviéu

Que tol verdor d'Asturies

xorrez con flor castel.lana,

que me quedé ensin paisanos

que m'entonen la tonada.

Andarina

2009-03-29T23:12:00.005+02:00

“Ten siempre una sonrisa guapa,

una pallabra d’aliendu

p’aquellos que nun tienen tanta suerte,

y memoria

pa que, de xemes en cuando,

asoleyes pa mi una alcordanza.”

Corquieu Viquina

2009-03-28T01:12:00.002+01:00

Al Urriellu xubiré,

nel iviernu grís y escuru,

y na pica achisbaré

al nuberu aportar.

N'otra vida quiero ser

una viquina y esnalar,

dende'l cielu azul ver

el país verde a los pies.

Xuan Carlos Crespo

2009-03-13T16:02:00.006+01:00

Escurrir los tos güeyos,

con dambes manes,

fasta que derramen

gotes de lluvia

ya sol calecíu

nun noxu

de tremor ya sabia verde,

qu'aniello crudo

enllena de tastu dulce

la llamarga

que foi la mio vida

Asturies tiempu de nos

2009-02-19T16:31:00.005+01:00

Xorrecíes tán les manes...

xorrecíu va el Nalón...

faigamos un riu toos...

con les manes del mugor

Conceyu debaxu un Texu

2009-02-14T13:31:00.006+01:00

el son de la gaita

la señaldá

la xente y los raigaños

el sentir de los Astures

¡¡¡ai quien tuviere n'Asturies

en toes les ocasiones!!!!!

Xosé Antón García

2009-02-04T16:31:00.006+01:00

Busqué la muerte per toles caleyes

subiendo montes y baxando ríos:

llocu, insensatu,vais pensar;

lloca, insensata ye la vida

yo vos digo, que nos fai morrer

ensin morrer dafechu.

Canteros de Cuadonga

2009-01-22T17:05:00.010+01:00

caminantes dende siempre

llegais pela raya'l Cuera

carretando ferramientes

y esperances d'otra tierra

llabradores del calizu.......

Esti cantar ye un homenaxe a los homes que llevantarón la basilica Cuadonga.

la saya

2009-01-10T22:44:00.003+01:00

¿Que lleves nesa saya

que tantu vuelu-y das?

que yo quedo ensin aliendu

mientres tu siempre quies más.

los fayeos de mayu

2008-11-21T13:51:00.007+01:00

Cuántes promeses traxeras

con aquella primavera,

y marcharon col verano.

Llevóme la vida entera

regresar a la to vera

y a los fayeos de mayo.

Andarina, vienes tarde,

andarina, vienes tarde

vistida de sol y orbayu.

Yá ye tiempu que descanse

so los fayeos de mayo.

nun quiero coyer la flor

2008-11-07T15:16:00.010+01:00

Nun voi mirar más la mar

qu'un día miremos xuntos.

La mar ye un suañu qu'empieza,

agora solu yá nun lu crucio.

J.B.Alvarez-Buylla

2008-10-24T17:57:00.005+02:00

Duélgome de mio mesmu esta mañana,

Duelme lo que non fice col destinu,

Duelme tar a la vera del caminu

Y sentime vencíu de desgana.

Non me tienta la moza na quintana,

Solu quiero vivir sin empecino,

Dexáme amortecer debaxu un pino,

Dexáme apigazar ena antoxana.

Duelme y non sé qué ye lo que me pasa,

Mírome dientro y toi adormecíu,

Miro enredor de mí y todu calla.

Toi fartu combayar l’humana basa

P’alcontrar al final solu’l vacíu

Y un agudu dolor ena vidaya.

goteres d'orbayu

2008-10-07T23:56:00.009+02:00

Coyí les goteres
del suavín orbayu,
fuime arrecaldalas
per algún armariu,
xuntéles con rosas
y flores de mayu
amestades lluego
con cantares maxos,
pela caleyina
fuime retoriando
a coyer cantares
y fueyes del campu,

refranes vieyinos
y poleos guapos
y masalo tou
con gotes d'orbayu

la Galana

8 setiembre

2008-09-08T12:40:00.012+02:00

Nel dia d'Asturies
aleyau de ser asturianu

llingua, vezos,arte astur

muerganos,asturcon,carbayu,faya

xente que trabaya

un pais dafechu

¿tien que morrer?

Hevia

2008-09-02T00:29:00.009+02:00

A Tini nun-y presta la gaita y la tonada

( so pa ye andaluz )

y quier camudalos,

pol flamenco y la guitarra

¿ la montera ? ye llaceria,

ye meyor ponese na tiesta

sombreru Cordobes...

¿ xiringüelu y corri, corri ?

sevillanas quier que dancemos

quier próhibinos dir en madreñes,

y xintar fabes

a elli gusta-y más el gaspachu...

les muyeres van dir con bata de cola,

en vez de saya y mandil....

el Seya nun ye el Seya,

llamalu Guadalquivir...

l'Asturcón, nun-y presta que criemos

¿ye meyor el Xerezanu?

el toru lidia quier traenos,

el roxu y el casin

¿ especie n'estinción ?

la virxen de Cuadonga

de triana nun quier ser

y quier falar n'Asturiano

en so tierra a poder ser....

Estatutu

2008-08-12T18:11:00.005+02:00

El estatutu de Tini

toles efes tenia

yera feu,fofu,flacu,

fediondu,fráxil y friu

Xosé Anton

2008-08-11T17:28:00.007+02:00

Dir y venir

enllenar y vaciar

arramplar y pañar

dar y dexar

y adulces movese

ente'l monte y la mar

El GÜAH.E

2008-07-05T18:15:00.008+02:00

Villa. yes el mas grande.

Gracies "gallu"

el bruxu nun podia faltar

gracies Quini

Nacion Astur

2008-06-20T20:41:00.002+02:00

Si la lluz pudiere ser amada

o la tierra poseyida o les estrelles,

enxamás les amaria tantu como a ti

yo doi la cara

2008-06-06T13:06:00.009+02:00

Y tu pues facelo en: http://www.doilacara.net/

como tu yes

2008-06-06T12:45:00.008+02:00

CÓMO TU YES

Yá ta tapeciendo Asturies
pol mio corazón adientro
fainme yá sombra les penes
pero yo yá nun t'alcuentro,

Quise ser como tu yes,
borrina llume y formientu,
ser pequeñu col humilde,
grandón col altaneru,
apacible col benditu
col babayu pendencieru,
xenerosu col amigu
col tiranu guerreru.

Y agora que toa t'empines
llamando a conceyu abiertu
agora, Asturies del suañu
nin t'alcuentro nin m' alcuentro.

Por eso vengo a decivos
coles vidayes ferviendo
dir alcontrala vosotros
que yo yá nun temgo tiempu,
dir alcontrala vosotros
que yo yá la tengo dientro

Xosé Benitu Alvarez-Buiya.

Xosé Antón García

2008-03-22T19:32:00.007+01:00

Onde escucó l'alma
aposentada n'otra casa
hai cien años perdida ente xábu,
castaños,ortigues,artos,
felechos,árboles del tiempu.

|

Pelos picolinos del cielu
muévese l'esguil nerviosu,
seyendo quicias feliz
ensin pensar que la muerte
vive tamién no cimero

Cantares

2008-02-15T00:28:00.012+01:00

Al mirar morrer el sol
na cumbrera del puertu,
vi soledá nel camín
mientres durmía'l vientu.

El Gaitero

2008-02-09T17:28:00.008+01:00

Los Dioses llevantaronse folixeros
asoleyaron Asturies
ficieron una Gaita...
y ñacio Xuacu...

Asturiania

2008-02-06T00:22:00.005+01:00

perguapu cantar de llan de cubel. ¡ hai qu'oyelo!

duelme'l ver que la tierrina
se fai cada vez mas mala
ya de las mias mocedades
nun-y queda güei nin la fala
¡homes!.los homes d'antañu
falaxe'l qu'ellos falaben
todu dafechu n'asturianu
güei que cruzo estrañu suelu
muerro de melanconia
¿aun tan los mios asturianos?
¿aun tan las asturias mias?

n'alcordanza

2008-01-26T21:04:00.013+01:00

como una gota d'orbayu

desengolandose d'un aleru

y debaxu,

la mar:

mirandonos colos güeyos abiertos

y siempre na boca

una sonrisa moyada...

Patria Astur

2007-11-10T20:05:00.003+01:00

dichosu aquél que nun oye

más música que la gaita

nin lu ximielga otru son

qu'el xiringüelu o la danza

nin tien más fe que la fe

de los sos pas heredada,

nin calez con otru sol

qu'el sol de so Patria.

Asturias, pátria querida.
Asturies de mios amores
¡Ay.! quien tuviera n'Asturies
en toes les ocasiones
tengo subir al Urriellu
a coyer la roxa flor
tengo llevala n'el puñu
del Eo a Tinamayor
del Eo a Tinamayor
voi diciendo-y al mio pueblu:
¡ puxemos per la rexion !
puxemos per la rexion
tengo subir al Urriellu
a coyer la roxa flor
Asturias . patria querida
yes el trabayu y el llar
xuntemos nuestra bandera
cantemos la lliberta.
si el cielu ye de los páxaros.
la mar ye del pescaor.
la mina de los mineros.
la tierra del llabrador.
tengo subir al Urriellu
a coyer la roxa flor
tengo llevala ne'l puñu
del Eo a Tinamayor
del Eo aTinamayor
voi diciendo-y a mio pueblu:
¡ puxemos per la rexión !
Asturias patria querida
Asturies de mios amores
¡ Ay ! quien tuviera n'Asturies
en toes les ocasiones

¡¡ PUXA ASTURIES !!

Tierra lexana.

2007-07-20T19:21:00.001+02:00

Trainos, por Dios, cuando vengas

A aportar a estos llugares,

Engüeltos en tos dobleces

D’esos regatos los ayes,

Los sones de les campanes,

Los escuchos de los llares,

El rutir de los cachones

En la llastra al estrellase,

De las fontes los bulleros,

Los murmullos de los árboles,

Del xilguerín y el miruellu

Los cánticos celestiales,

El runcir del saltapraos

Y del grillu el son constante,

Y, en fin, los ecos de todo,

Que hai equí quien se rellame

Cuando–y falan de la tierra

En so nativu llinguaxe...

GARCÍA PELÁEZ, Ángel.

Enxamás Caleyaran Solos

2007-06-08T22:57:00.002+02:00

Yá llegó La Pita col deu acusador
p'apuntar al presidente, presidente represor.

¡LAsturianu llingua oficial!
¡LAsturianu llingua oficial!
¡LAsturianu llingua oficial!

Coses de la Tierrina

2007-06-08T21:08:00.000+02:00

Na flor de la cerezal

que priende la primavera.

Nel cantar de los carbayos

y nel vientu que lu lleva

. Nel llagu de los tos güeyos

au fai remolín el tiempu.

Nos pegollos que sostienen

colleches d'amor y empeñu.

Nellos poso'l corazón,

nellos pongo la esperanza,

la grana azul del futuru

y la flor de l'acordanza.

Nel agua de los regueros,

del borrín y de la prúa.

Na esencia del alicorniu

Nel creciente de la lluna.

Nes tierres de pan.

Nes sebes de malvises y raitanes

. Na voz escura del monte

. Na voz antigua del sangre.

Nellos poso'l corazón,

nellos pongo la esperanza,

la grana azul del futuru

y la flor de l'acordanza.

Nos altos picos que vuelen

los airones y les ailes.

Nel secretu que la mar

guarda en roncheles y playes.

Nel ciernu de la memoria.

Nes ferramientes gastaes.

Nes palabres que ñacienon

cabo'l fueu de vieyos llares.

Nellos poso'l corazón,

nellos pongo la esperanza,

la grana azul del futuru

y la flor de l'acordanza.

Lletra: Fernando Alvárez-Balbuena

Fala

2007-05-25T17:15:00.001+02:00

Atiendi Asturies

Atiendi Asturies atiendi,
lo que falo na to fala,
anque nos oyíos tengas,
muncha llingua castellana.
Sé que sofristi abondu
que fuisti más nueche qu´alba
que fixisti too dafechu
lo que sentíes pel alma.
Sélo bien , pero'l dolor
golviósete una mordaza
dexándote a fuerza sombra
una llaceria na fala.
Esa llaceria espardióse
como una postiella gafa
fendió to llingua llariega
fasta torgate falala.
Y la hestoria que pulsiasti
cola pallabra bien alta,
quedando fo callandina
como ensin alcordanza.
Y ensin alcordanza un pueblu
nun tien futuru a la llarga.
Atiendi Asturies, atiendi,
lo que falo na to fala.

Entruga

2007-05-19T22:37:00.000+02:00

Reteyando una panera..

Vicenton el Resecau..

cayo d'enriba el teyau..

de llombu a la carretera..

Pinto alli la curandera..

riecentando:<<¡hai que trayer..

agua pa esti home beber!>>

ya Vicenton permohino..

entrugo ¿pa beber vinu?

¿de que altura hai que cayer?

Conciertu 2007

2007-05-11T17:05:00.002+02:00

A vegaes
camiento cansáu
que nin siquiera sabrán
que tuviemos equí,
asoleyando un país
que cayó una nueche a la mar,
y na mar y na nueche lu quixeren dexar.

Asturies

2007-05-11T15:56:00.001+02:00

AL BAXAR EL PUERTU BRAÑA..

TAN ESCRITES ESTES LLETRES..

ASTURIES LLEVANTA'L PUÑU..

PA BALTAR AL QUE T'AFUEGA..

El mio Pais

2007-05-11T15:38:00.002+02:00

POR GRANDE QUE SEYA, UN PAIS

SIEMPRE SERA MAS PEQUEÑU QUE'L MUNDU

PERO POR PEQUEÑU QUE SEYA

ENXAMAS DEXA DE SER UN PAIS...

Canciu

2007-05-09T09:37:00.000+02:00

SI ENTRUGES A LOS VIEYOS, POLA SO MOCEDA..

VAN DECITE D'ESTI MUNDIU, QUE NUN YERA IGUAL..

VAN CONTATE UNES HESTORIES, QUE RECORDARAN..

UNA TIERRA ENSIN MALEZA, QUE YA NUN TORNARA ..

ESTI MUNDIU YA NUN SABE, COMU ALENDAR..

L'OZONU BUSCA UN SITIU, PER ONDE COLAR..

NUESOS RIOS YA NUN PUEDEN, CON MAS SUCIEDA..

Y LOS PROBES DE LA TIERRA, CADA VEZ SON MAS..

CUANTES PREBES NUCLEARES,HAI QUE CELLEBRAR..

CUANTOS ATOMOS MORTALES, HAI QUE LLIBERAR..

CUANTES VIDES INOCENTES, TIENEN QUE SEGAR..

PA QUE SE FARTUQUEN, LOS HOMES DE MAL..

CUANTES BIESQUES DE LA TIERRA, TIENEN QUE QUEMAR..

CUANTES CONFERENCIES, PA FALAR DE PAZ..

CUANTOS NEÑOS EN SIN VIDA, HAI QUE ASOLEYAR..

PA QUE LOS GOBIERNOS, DIGAN BASTA YA..

QUE VAMOS DEXAR, A LA NUESA MOCEDA..

QUE VAN A PENSAR, SI AQUI NUN DEXAMOS D'ESTROBAR..

Tonada

2007-05-09T09:22:00.000+02:00

Ñeda... del mio querer..

pa ti ye la mio tonada..

el tarren onde ñaci..

tengolu llancau nel alma....

Dixebra p'Asturies

2007-05-05T23:52:00.000+02:00

Asturies

Vamos dexar de vivir

de gaita sidra y tambor

de la Santina na cueva

y de castros baxo'l sol

Oyense voces falando

de pueblos y lliberta

de roses llorando espines

de palombes y un riscal

Xunto la fabrica encesa

la mina prieta , la mar

y la secha ensin llabrar:

asperasmote pruyendo

por vivir pallabres vieyes

comu pueblu, home y llar

Pruyemos un pueblu llibre:

que ñome cola xo voz

los sos collacios y el pan

pruyemos un pueblu llibre

y una Asturies dixebra.

Areces L'Andaluz

2007-05-05T22:36:00.000+02:00

Jose Montilla,presidente de Cataluña.

Ñaciu en Cordoba

Conoz, fala y respeta el Catalan....

Vicente Alvarez, presidente d'Asturies

Ñaciu en Xixon ( so Pa, ye Andaluz )

Ni conoz, ni fala y non quier qu'otros falen l'Asturianu...

Los vezos Astures, con elli van escaecer...

Esti piensa, llei y escribi n'andaluz...

FORA CON ELLI..

Areces:hai qu'echalu...

2007-05-04T12:22:00.001+02:00

PERO NUN VAMOS DEXALU

Oda a mio Güela

2007-05-04T10:39:00.008+02:00

¿Quién me crió como un ánxel,
quién sabe del primer besu,
quién pensó qu'era'l más guapu?
...Esa Güela que güei nun tengo.

Xela nel monte, nos altos tamien Xela..

Xela nel valle, y na vega, Xela..

y la mio xelada alma ...

namás pue calecer ...

nel somantu la mio güela...

con so Xelada alma ...

en la mio Ñeda....

N'ACORDANZA

Dicin que de la Güela........
Los besinos son de Miel...

ONDE PINGA L'ORPIN. ..
NUN PINGA EL SOL ..
NI MUERRES TU... ..

Nun sé que viera nes tos sayes
que de neñu m’envolvieran:
señardá, besos y ciñu,
mimos, calor y conciencia.

"Ya me provez el tiempu de nun vete"..