El Regatu

ODA AL ASTURCON

Como tú quisiera ser, alma ecuestre,

xabaz como un coz de sangre pura,

ariscu a la espuela y a ala montura,

tal como te pintó el pintor rupestre.

Cola blanca estrella de to frente

fixisti más fondera la fondura,

ensin pone-y al galope ferraúra

pa que xorreza la erba y la simiente.

Col borrín más llargu de la hestoria

sobrevives pelos montes del Sueve,

defendisti Asturies escontra Roma

y Plinio y Estrabón de ti escribieren.

Amor d'Asturcón enxamás se doma,

bona falta nos fai per estes tierres.

Manuel Asur

Cantarinos

Cuanto más perllenta va,

más se pue distinguir,

del agua que va a la mar,

esa que vien del orpin.

Una queda na rosada,

la otra nel agua con sal,

dura aquella una mañana,

esta tola eternidá,

La que pinga na rosada,

cola so lluz tempraniega,

aborrez siempre del agua

que, pol mar, dexa la herba

Andres Solar

Les madreñes son los pasos
de los antiguos caminos,
lleven folla de los años
en que tantos nos perdimos

Son raíces andariegues,
escaleyen toles lloses
y chisquen les entreteles
que de nós nunca se posen

Les madreñes nun son zuecos
como en Castiella les llamen,
aborrecen de lo seco,
ensin orbayu esguañen.

Asi,la llegre esforgaxa,
de les madreñes,borrina
que pela tierra asturiana
va del cumal a la mina.

Andres Solar

Pola Xuntanza

Talanto que too los partidos nacionalegos tien que tar xunios

pa lluchar xuntos encontra PSOE Y PP.

IU morrio politicamente,

nun-y queda mas que xuntase a nos.

El regatu quier collaborar con..http://polaxuntanza.webcindario.com/

Oficialidá 2009

Sabadu 25 d’Abril 19.00 campus d’humanidades en Uviéu

Que tol verdor d'Asturies

xorrez con flor castel.lana,

que me quedé ensin paisanos

que m'entonen la tonada.

Andarina

“Ten siempre una sonrisa guapa,

una pallabra d’aliendu

p’aquellos que nun tienen tanta suerte,

y memoria

pa que, de xemes en cuando,

asoleyes pa mi una alcordanza.”

Corquieu Viquina

Al Urriellu xubiré,

nel iviernu grís y escuru,

y na pica achisbaré

al nuberu aportar.

N'otra vida quiero ser

una viquina y esnalar,

dende'l cielu azul ver

el país verde a los pies.

Xuan Carlos Crespo

Escurrir los tos güeyos,

con dambes manes,

fasta que derramen

gotes de lluvia

ya sol calecíu

nun noxu

de tremor ya sabia verde,

qu'aniello crudo

enllena de tastu dulce

la llamarga

que foi la mio vida

Asturies tiempu de nos

Xorrecíes tán les manes...

xorrecíu va el Nalón...

faigamos un riu toos...

con les manes del mugor

Conceyu debaxu un Texu

el son de la gaita

la señaldá

la xente y los raigaños

el sentir de los Astures

¡¡¡ai quien tuviere n'Asturies

en toes les ocasiones!!!!!

Xosé Antón García

Busqué la muerte per toles caleyes

subiendo montes y baxando ríos:

llocu, insensatu,vais pensar;

lloca, insensata ye la vida

yo vos digo, que nos fai morrer

ensin morrer dafechu.

Canteros de Cuadonga

caminantes dende siempre

llegais pela raya'l Cuera

carretando ferramientes

y esperances d'otra tierra

llabradores del calizu.......

Esti cantar ye un homenaxe a l'homes que llevantarón la basilica Cuadonga.

la saya

¿Que lleves nesa saya

que tantu vuelu-y das?

que yo quedo ensin aliendu

mientres tu siempre quies más.

los fayeos de mayu

Cuántes promeses traxeras
con aquella primavera,
y marcharon col verano.
Llevóme la vida entera
regresar a la to vera
y a los fayeos de mayo.

Andarina, vienes tarde,
andarina, vienes tarde
vistida de sol y orbayu.
Yá ye tiempu que descanse
so los fayeos de mayo.

nun quiero coyer la flor

Nun voi mirar más la mar

qu'un día miremos xuntos.

La mar ye un suañu qu'empieza,

agora solu yá nun lu crucio.

J.B.Alvarez-Buylla

Duélgome de mio mesmu esta mañana,

Duelme lo que non fice col destinu,

Duelme tar a la vera del caminu

Y sentime vencíu de desgana.

Non me tienta la moza na quintana,

Solu quiero vivir sin empecino,

Dexáme amortecer debaxu un pino,

Dexáme apigazar ena antoxana.

Duelme y non sé qué ye lo que me pasa,

Mírome dientro y toi adormecíu,

Miro enredor de mí y todu calla.

Toi fartu combayar l’humana basa

P’alcontrar al final solu’l vacíu

Y un agudu dolor ena vidaya.

goteres d'orbayu

Coyí les goteres
del suavín orbayu,
fuime arrecaldalas
per algún armariu,
xuntéles con rosas
y flores de mayu
amestades lluego
con cantares maxos,
pela caleyina
fuime retoriando
a coyer cantares
y fueyes del campu,

refranes vieyinos
y poleos guapos
y masalo tou
con gotes d'orbayu

la Galana